今年係BB第一年同我過生日！
一早起身，阿榮肚餓話唔等我要落街食早餐！
我就約埋家姐同姨甥女去寶琳食酸辣米線。
點知未出門口，阿榮已經返黎，仲捧住束花。
嘩！哩個surprise真係大。
諗都無諗過拍拖6年+結婚7年，老公仲咁有情趣！
Thx so much my dearest!
BB哩日都好似特別開心咁，成日玩同笑！
Family 裡面有哩兩個咁抵錫，又錫我既honey，真係甜到漏！
2010年6月9日星期三
2010年5月20日星期四
2010年5月17日星期一
2010年5月11日星期二
1st mother's day with BB
今年係第一個做人mama嘅母親節，雖然無特別慶祝，但都過得好開心！
BB爸爸一朝早就叫BB錫錫媽咪，又同BB講要好錫媽咪！其實BB都唔知爸爸講乜，只係眼定定望住我地，傻下傻下咁！
哩日抱住BB無論係同佢玩、餵奶定係'愛'瞓覺，個心都覺得好感動！因為可以做人媽媽，對我黎講，確實係一件天賜既禮物！況且我仲係有一個咁得意又易湊既BB，我真係覺得好幸福！
BB， 無論日後你乖定曳，孝順定反叛...... 我都係咁愛你！
BB爸爸一朝早就叫BB錫錫媽咪，又同BB講要好錫媽咪！其實BB都唔知爸爸講乜，只係眼定定望住我地，傻下傻下咁！
哩日抱住BB無論係同佢玩、餵奶定係'愛'瞓覺，個心都覺得好感動！因為可以做人媽媽，對我黎講，確實係一件天賜既禮物！況且我仲係有一個咁得意又易湊既BB，我真係覺得好幸福！
BB， 無論日後你乖定曳，孝順定反叛...... 我都係咁愛你！
2010年1月7日星期四
BB做左表姐
12月30日表弟出世! 阿B足左3個月就做左表姐, 而我就係姑姐!
星期日﹑一同二都去左馬鞍山幫手。
星期二最頻撲......
BB6.15醒左阿榮幫手餵飲奶, 我就之後"愛"佢瞓, 攪到7點幾先瞓番!
因為要陪表弟去健康院, 所以要9點未夠出門口, 見阿B瞓到好甜, 決定自己去, 唔帶佢出去。
阿榮車左我同阿嫂&表弟去馬鞍山健康院, 都幾偏僻!
攪左兩個鐘, 醫生話阿B面黃度數幾高, 要即刻轉介去威爾斯抽血, 嘩, 心諗乜咁嚴重?
於是即刻搭的士去威院, 攪完排版手續, 阿B就抱左去抽血......
好彩最後醫生話BB得210度, 唔駛入院照燈, 自己返去觀察住有冇再黃D, 有先再去健康院覆診!
醫生話飲奶有助去黃, 不過表弟唔算飲好多奶, 有時瞓過頭都係飲得唔多!
回想起我阿B初生時就已經準時飲奶, 成日都唔會喊, 但係飲奶遲少少就喊到拆天!!
表弟, 你要學下表姐, 飲多D奶奶, 快D去哂D黃, 唔好要爸爸媽媽擔心!
星期日﹑一同二都去左馬鞍山幫手。
星期二最頻撲......
BB6.15醒左阿榮幫手餵飲奶, 我就之後"愛"佢瞓, 攪到7點幾先瞓番!
因為要陪表弟去健康院, 所以要9點未夠出門口, 見阿B瞓到好甜, 決定自己去, 唔帶佢出去。
阿榮車左我同阿嫂&表弟去馬鞍山健康院, 都幾偏僻!
攪左兩個鐘, 醫生話阿B面黃度數幾高, 要即刻轉介去威爾斯抽血, 嘩, 心諗乜咁嚴重?
於是即刻搭的士去威院, 攪完排版手續, 阿B就抱左去抽血......
好彩最後醫生話BB得210度, 唔駛入院照燈, 自己返去觀察住有冇再黃D, 有先再去健康院覆診!
醫生話飲奶有助去黃, 不過表弟唔算飲好多奶, 有時瞓過頭都係飲得唔多!
回想起我阿B初生時就已經準時飲奶, 成日都唔會喊, 但係飲奶遲少少就喊到拆天!!
表弟, 你要學下表姐, 飲多D奶奶, 快D去哂D黃, 唔好要爸爸媽媽擔心!
2009年12月16日星期三
back to work
尋日開始要返工啦, 本來個悠長假期去到12/27 (過埋個X'mas), 不過老細打到黎想我postpone我D annual leave, 早D返去幫個 Year end closing! 卒之我答應左, 早左兩weeks返工, 但係我要求哩兩個禮拜要超準時放工!
之前朝朝起身, 阿B見到我都會笑, 但尋晚返到屋企, 阿B瞓醒見到我, 竟然"mook"住個咀回避我目光, 望下上面, 望下左邊又望下右邊, 玩左一陣先肯笑! 哈哈, 佢真係好得意, 好似有D嬲咁!
阿B呀, 唔好嬲媽咪呀, 我會好快返屋企陪你玩架!
之前朝朝起身, 阿B見到我都會笑, 但尋晚返到屋企, 阿B瞓醒見到我, 竟然"mook"住個咀回避我目光, 望下上面, 望下左邊又望下右邊, 玩左一陣先肯笑! 哈哈, 佢真係好得意, 好似有D嬲咁!
阿B呀, 唔好嬲媽咪呀, 我會好快返屋企陪你玩架!
2009年12月9日星期三
沛言出世經過
好記得生完之後同朋友講話生仔好辛苦, 好痛, 仲話自己好任性揀順產. 但響坐月其間, 發覺自己對由陀B到生完既辛苦同痛楚開始冇乜印象, 原來對住個咁可愛同抵錫既阿B真係可以令人好快忘記痛楚! 所以決定響返工前俾份功課自己, 要將阿B個出世過程記低佢, 作日後既回憶……
24/9
今日個肚好似落左D, 行路有D墜, 而且個子宮收縮時,亦都有D痛(平時子宮收縮, 只係覺得個肚好硬好實), 心知阿B係差唔多時候想出黎。由尋晚開始, 阿榮每日陪我行30分鐘樓梯, 原本今晚都會, 但係阿棠夜晚搵阿榮去飲野, 於是冇行到! 出去前阿棠上左黎屋企飲湯, 佢兩個成9點幾先出去。我等到成點鐘覺得肚餓, 打比阿榮,問佢幾點返, 佢話而家響尖沙咀返, 於是我邊瞓邊等, 但唔知點解, 覺得個肚真係陰陰痛。 卒之等到兩點幾阿榮先返。佢返到黎我仲發左佢一陣脾氣, 要佢煮個出前一丁俾我食,食完3點幾先訓到覺。
25/9
今日8點9起身去廁所,見到有dd血, 但又唔肯定, 囉囉鬈左一陣, 打俾個陪月問一下。到9點再去廁所, 發現D血多左, 心裡有數, 應該係時候, 於是打俾阿榮, 叫佢番黎, 順便買早餐! 見未開始陣痛, 即刻去洗頭。未夠10點阿榮買左翠河既早餐A返黎 , 食完早餐之後就拿齊D入院用品(Cryolife, 產後用品, 睡衣, BB出院用品等等)就準備出發。
差唔多11點我地就出發, 因為奶奶要去順利村既function, 所以去醫院前仲車埋佢。我等lift個陣個子宮收縮時, 開始覺得有少少陣痛, 心諗, 如果陣痛係咁樣既話, 其實都唔係好痛姐! 12點到去到仁安, 我地去左入院登記處, 個度D姑娘叫我地直上3樓。去到3樓, 姑娘帶我地去待產室, 仲問我咩事入院, 又叫我去廁所先。
之後上床駁機聽下BB既心跳同埋紀錄陣痛既情況, 有個mon顯示兩個數字, 一個show BB既心跳速度, 另一個show子宮既收縮情況, D度數越升得勁, 表示個子宮越收, 越收就會越痛, 姑娘仲比左個手掣我, 叫我係BB郁時就禁一下。到12點半,姑娘入黎check,發現我已經開左2度, 話可以收我入院。之後阿榮就幫我去番入院登記處搞入院手續, 而姑娘就係我隔離同我做入院問卷 (好長架, 成3﹑4版紙) , 其間阿榮打黎問我要住咩房, 如果住大房就要同大陸人住, 如果住半私家既就只係需要貴多1000蚊。 我梗係揀半私家房啦!隔左陣, 姑娘又入黎check, 但係BB竟然訓左覺, 所以佢話要觀察多30分鐘。等緊既時候,聽到隔離床呻吟, 叫到好似拍戲咁 “唉呀!好痛呀!開左幾多度呀??好辛苦呀!!” 哈哈!我同阿榮係度笑佢。
到2點, 我地派去左房間309A, 我換左手術袍, 又叫左外賣, 叫左個焗豬扒飯同咖哩牛腩飯, 諗住食飽先至生。我地2點半開始食, 突然床頭個電話響, 原來係姑娘打黎話曾醫生建議我催生。叫我入待產室, 我同佢講我啱啱食緊飯, 要晏D先過去, 但姑娘叫我唔好食咁飽,驚會搞到作嘔。3點到, 姑娘又打過黎催我地過去, 嘻嘻, 我話仲食緊, 點知唔夠3分鐘姑娘直情走入黎叫我地過去。因為比佢地催到唔好意思,又驚食得太多,所以我淨係食左幾啖,等阿榮食完就出發。
我地3點3去到待產房,之後上床駁機,又插針吊藥,我諗個D應該係催生藥。 攪掂好, 姑娘就話依家開始唔比落床同去廁所, 我心諗: “咁咪即係開始黎料! 阿B黎啦!” D陣痛好快就黎料, 有時仲要係勁痛個隻呀! 我叫阿榮幫我睇住個度數,升完開始下降時就話我知 (因為即係開始唔痛!)。姑娘拎定左個罩比我(笑氣) , 仲教我唔好最痛個陣先吸, 開始覺得痛就要吸, 因為吸完會覺得無咁痛。 姑娘仲話如果痛可以打針, 不過如果開多過4度就唔建議打啦!
聞住氣果然係無咁痛, 聞完之後仲有好暈既感覺(其實佢根本唔係止痛, 係令個人暈下唔覺痛姐!)之後我左轉右轉, 覺得肚又痛, 腰又痛。阿榮問有咩可以幫到我, 我叫佢千祈唔好掂到我, 因為真係好痛, 仲叫佢攞個枕頭俾我[朗]住條腰.隔左陣又覺得轉另一邊身好D, 阿榮幫我將個枕頭轉去另一邊。又隔左陣我又轉身, 我索性問姑娘比多個枕頭我…整整下,搞到成床都係枕頭, 有成4﹑5個,我轉成點都會有個枕頭[朗]住, 好似舒服D咁。
到5點幾, 姑娘入黎check話已經有5度, 心諗, 咁咪冇得打針囉! 於是我問姑娘, 仲有幾耐先生得, 佢話一般書話一個鐘開一度囉!, 我又心諗:” 唔係卦! 仲有5個鐘!”
6點幾, 姑娘又入黎check, 開到6度, 子宮頸都唔硬, 仲話係10點佢收工之前應該搞掂。之後, 我已經又痛又暈到唔知自己係訓左定暈左咁。其間, 阿榮仲話我好叻, 因為佢見我開始吸D笑氣個陣, 個指數就開始標。佢有次見我個指數升緊都無吸氣, 話我咁忍到痛, 叫我不如唔好吸。我又覺得係喎, 於是試一次唔吸。點知[lai] 野, 去到最痛個陣, 我感覺到人生第一次痛到暈左。個種暈直情比聞笑氣仲暈。個陣, 好想話阿榮仲咩叫我試, 痛死人啦! 不過實在痛到有心無力, 算佢啦!
其實陣痛其間, 我一路都合埋眼, 但突然間, 阿榮無哂聲, 我開眼一睇, 原來佢訓緊覺! 嘩! 激死我, 我即刻用盡全力叫醒佢 “喂! 你唔係幫我睇住個指數咩??”佢即刻起身, 埋黎[tum]番我! 我仲叫佢一路講野, 引開我注意力添!
7點3到, 姑娘又入黎check, 話已經8度, 仲話開到10度開始生。過左唔夠10分鐘, 佢又黎話, 不如早D比你入產房準備下啦。之後我就被人推左入產房, 阿榮就要著保護衣。一入到產房, 我感到對腳係度震, 我同姑娘講我好凍, 佢就幫我蓋被。咁橋, 個醫生啱啱到, 姑娘話8度, 佢話咁佢換衫返黎應該差唔多啦! 叫我可以試下生, 唔好聞氣啦!
8點3左右, 醫生返黎, 果然已經10度啦! 醫生又講一次點生, 覺得痛個陣就用力去痾, 而個人就屈曲到好似個”c”字咁。
但唔知點解, 哩一刻我感覺唔到痛, 大家停哂, 係姑娘望住部機問我係咪開始痛啦, 我先至用力痾, 用力痾左一下, 我又感覺唔到痛, 大家又停左陣, 姑娘又提我問我係咪差唔多啦, 咁我又用力痾。如是者, 試左幾次, 醫生話阿B出左個額頭啦! 叫我要快D啦, 如果唔係唔
得啦, 但係我真係唔覺痛, 所以唔知點用力!!跟住醫生聲嘶力竭咁叫我用力D,BB就黎出世啦, 你再用力D啦!阿榮又係我左邊捉住隻左手用力推住我幫我出力, 另一個姑娘就係我右邊, 但都係未得。醫生跟住話有無其他姑娘。隔左無耐, 我就矇矇矓矓見到多左4個姑娘係我左右, 另外2個企響醫生側邊猛叫 “用力啦! 繼續啦!”(真係好似D啦啦隊咁架!) 終於BB個頭出左黎, 聽到醫生話胎水有點濁, 問有冇兒科醫生, 叫佢入黎, 我仲以為搞掂啦!點知姑娘叫我繼續, 我問乜未得咩, 醫生話仲要繼續靠你自己嫁, 咁我又用力痾左兩三下, 終於搞掂, 即刻舒服哂。
跟住佢地抱左阿B係我心口, 猛吸胎水, 醫生話胎水已經濁濁地,BB可能吸左。兒科醫生一到, 即刻抱埋一邊攪左一輪。隔左陣,兒科話要抱出去檢查, 應該無大礙, 姑娘抱比我望一眼, 話係女仔, 我淨係見到阿B隻眼仔好大, 其他無乜印象啦。醫生一路幫我聯針, 一路叫姑娘幫我打止痛針, 但我話唔駛, 我知我忍到痛, 同埋我都攰到個人虛脫啦。
沛言終於係2009年9月25日出世, 有3.24kg =]
24/9
今日個肚好似落左D, 行路有D墜, 而且個子宮收縮時,亦都有D痛(平時子宮收縮, 只係覺得個肚好硬好實), 心知阿B係差唔多時候想出黎。由尋晚開始, 阿榮每日陪我行30分鐘樓梯, 原本今晚都會, 但係阿棠夜晚搵阿榮去飲野, 於是冇行到! 出去前阿棠上左黎屋企飲湯, 佢兩個成9點幾先出去。我等到成點鐘覺得肚餓, 打比阿榮,問佢幾點返, 佢話而家響尖沙咀返, 於是我邊瞓邊等, 但唔知點解, 覺得個肚真係陰陰痛。 卒之等到兩點幾阿榮先返。佢返到黎我仲發左佢一陣脾氣, 要佢煮個出前一丁俾我食,食完3點幾先訓到覺。
25/9
今日8點9起身去廁所,見到有dd血, 但又唔肯定, 囉囉鬈左一陣, 打俾個陪月問一下。到9點再去廁所, 發現D血多左, 心裡有數, 應該係時候, 於是打俾阿榮, 叫佢番黎, 順便買早餐! 見未開始陣痛, 即刻去洗頭。未夠10點阿榮買左翠河既早餐A返黎 , 食完早餐之後就拿齊D入院用品(Cryolife, 產後用品, 睡衣, BB出院用品等等)就準備出發。
差唔多11點我地就出發, 因為奶奶要去順利村既function, 所以去醫院前仲車埋佢。我等lift個陣個子宮收縮時, 開始覺得有少少陣痛, 心諗, 如果陣痛係咁樣既話, 其實都唔係好痛姐! 12點到去到仁安, 我地去左入院登記處, 個度D姑娘叫我地直上3樓。去到3樓, 姑娘帶我地去待產室, 仲問我咩事入院, 又叫我去廁所先。
之後上床駁機聽下BB既心跳同埋紀錄陣痛既情況, 有個mon顯示兩個數字, 一個show BB既心跳速度, 另一個show子宮既收縮情況, D度數越升得勁, 表示個子宮越收, 越收就會越痛, 姑娘仲比左個手掣我, 叫我係BB郁時就禁一下。到12點半,姑娘入黎check,發現我已經開左2度, 話可以收我入院。之後阿榮就幫我去番入院登記處搞入院手續, 而姑娘就係我隔離同我做入院問卷 (好長架, 成3﹑4版紙) , 其間阿榮打黎問我要住咩房, 如果住大房就要同大陸人住, 如果住半私家既就只係需要貴多1000蚊。 我梗係揀半私家房啦!隔左陣, 姑娘又入黎check, 但係BB竟然訓左覺, 所以佢話要觀察多30分鐘。等緊既時候,聽到隔離床呻吟, 叫到好似拍戲咁 “唉呀!好痛呀!開左幾多度呀??好辛苦呀!!” 哈哈!我同阿榮係度笑佢。
到2點, 我地派去左房間309A, 我換左手術袍, 又叫左外賣, 叫左個焗豬扒飯同咖哩牛腩飯, 諗住食飽先至生。我地2點半開始食, 突然床頭個電話響, 原來係姑娘打黎話曾醫生建議我催生。叫我入待產室, 我同佢講我啱啱食緊飯, 要晏D先過去, 但姑娘叫我唔好食咁飽,驚會搞到作嘔。3點到, 姑娘又打過黎催我地過去, 嘻嘻, 我話仲食緊, 點知唔夠3分鐘姑娘直情走入黎叫我地過去。因為比佢地催到唔好意思,又驚食得太多,所以我淨係食左幾啖,等阿榮食完就出發。
我地3點3去到待產房,之後上床駁機,又插針吊藥,我諗個D應該係催生藥。 攪掂好, 姑娘就話依家開始唔比落床同去廁所, 我心諗: “咁咪即係開始黎料! 阿B黎啦!” D陣痛好快就黎料, 有時仲要係勁痛個隻呀! 我叫阿榮幫我睇住個度數,升完開始下降時就話我知 (因為即係開始唔痛!)。姑娘拎定左個罩比我(笑氣) , 仲教我唔好最痛個陣先吸, 開始覺得痛就要吸, 因為吸完會覺得無咁痛。 姑娘仲話如果痛可以打針, 不過如果開多過4度就唔建議打啦!
聞住氣果然係無咁痛, 聞完之後仲有好暈既感覺(其實佢根本唔係止痛, 係令個人暈下唔覺痛姐!)之後我左轉右轉, 覺得肚又痛, 腰又痛。阿榮問有咩可以幫到我, 我叫佢千祈唔好掂到我, 因為真係好痛, 仲叫佢攞個枕頭俾我[朗]住條腰.隔左陣又覺得轉另一邊身好D, 阿榮幫我將個枕頭轉去另一邊。又隔左陣我又轉身, 我索性問姑娘比多個枕頭我…整整下,搞到成床都係枕頭, 有成4﹑5個,我轉成點都會有個枕頭[朗]住, 好似舒服D咁。
到5點幾, 姑娘入黎check話已經有5度, 心諗, 咁咪冇得打針囉! 於是我問姑娘, 仲有幾耐先生得, 佢話一般書話一個鐘開一度囉!, 我又心諗:” 唔係卦! 仲有5個鐘!”
6點幾, 姑娘又入黎check, 開到6度, 子宮頸都唔硬, 仲話係10點佢收工之前應該搞掂。之後, 我已經又痛又暈到唔知自己係訓左定暈左咁。其間, 阿榮仲話我好叻, 因為佢見我開始吸D笑氣個陣, 個指數就開始標。佢有次見我個指數升緊都無吸氣, 話我咁忍到痛, 叫我不如唔好吸。我又覺得係喎, 於是試一次唔吸。點知[lai] 野, 去到最痛個陣, 我感覺到人生第一次痛到暈左。個種暈直情比聞笑氣仲暈。個陣, 好想話阿榮仲咩叫我試, 痛死人啦! 不過實在痛到有心無力, 算佢啦!
其實陣痛其間, 我一路都合埋眼, 但突然間, 阿榮無哂聲, 我開眼一睇, 原來佢訓緊覺! 嘩! 激死我, 我即刻用盡全力叫醒佢 “喂! 你唔係幫我睇住個指數咩??”佢即刻起身, 埋黎[tum]番我! 我仲叫佢一路講野, 引開我注意力添!
7點3到, 姑娘又入黎check, 話已經8度, 仲話開到10度開始生。過左唔夠10分鐘, 佢又黎話, 不如早D比你入產房準備下啦。之後我就被人推左入產房, 阿榮就要著保護衣。一入到產房, 我感到對腳係度震, 我同姑娘講我好凍, 佢就幫我蓋被。咁橋, 個醫生啱啱到, 姑娘話8度, 佢話咁佢換衫返黎應該差唔多啦! 叫我可以試下生, 唔好聞氣啦!
8點3左右, 醫生返黎, 果然已經10度啦! 醫生又講一次點生, 覺得痛個陣就用力去痾, 而個人就屈曲到好似個”c”字咁。
但唔知點解, 哩一刻我感覺唔到痛, 大家停哂, 係姑娘望住部機問我係咪開始痛啦, 我先至用力痾, 用力痾左一下, 我又感覺唔到痛, 大家又停左陣, 姑娘又提我問我係咪差唔多啦, 咁我又用力痾。如是者, 試左幾次, 醫生話阿B出左個額頭啦! 叫我要快D啦, 如果唔係唔
得啦, 但係我真係唔覺痛, 所以唔知點用力!!跟住醫生聲嘶力竭咁叫我用力D,BB就黎出世啦, 你再用力D啦!阿榮又係我左邊捉住隻左手用力推住我幫我出力, 另一個姑娘就係我右邊, 但都係未得。醫生跟住話有無其他姑娘。隔左無耐, 我就矇矇矓矓見到多左4個姑娘係我左右, 另外2個企響醫生側邊猛叫 “用力啦! 繼續啦!”(真係好似D啦啦隊咁架!) 終於BB個頭出左黎, 聽到醫生話胎水有點濁, 問有冇兒科醫生, 叫佢入黎, 我仲以為搞掂啦!點知姑娘叫我繼續, 我問乜未得咩, 醫生話仲要繼續靠你自己嫁, 咁我又用力痾左兩三下, 終於搞掂, 即刻舒服哂。跟住佢地抱左阿B係我心口, 猛吸胎水, 醫生話胎水已經濁濁地,BB可能吸左。兒科醫生一到, 即刻抱埋一邊攪左一輪。隔左陣,兒科話要抱出去檢查, 應該無大礙, 姑娘抱比我望一眼, 話係女仔, 我淨係見到阿B隻眼仔好大, 其他無乜印象啦。醫生一路幫我聯針, 一路叫姑娘幫我打止痛針, 但我話唔駛, 我知我忍到痛, 同埋我都攰到個人虛脫啦。
沛言終於係2009年9月25日出世, 有3.24kg =]
訂閱：
文章 (Atom)