1st birthday with my lovely BB

今年係BB第一年同我過生日！
一早起身，阿榮肚餓話唔等我要落街食早餐！
我就約埋家姐同姨甥女去寶琳食酸辣米線。
點知未出門口，阿榮已經返黎，仲捧住束花。
嘩！哩個surprise真係大。
諗都無諗過拍拖6年+結婚7年，老公仲咁有情趣！
Thx so much my dearest!
BB哩日都好似特別開心咁，成日玩同笑！
Family 裡面有哩兩個咁抵錫，又錫我既honey，真係甜到漏！

BB認人

今日放工去左永安買野俾BB，晏左返屋企，一打開門，見到爸爸攬住BB坐響sofa，BB一見到我就又笑又跳，我同佢say 完hello就話等媽咪換衫洗手後同你玩，跟住轉身行去洗手間啦！點知阿B喊喎，望住我好似好淒涼咁！我就拿拿聲洗完手去抱佢，佢即刻飛榽撲過黎，仲笑到Kaka聲！
BB就黎8個月大，都係第一次咁認人咋，Hoho我真係好開心！做媽媽既感覺真好，俾BB嗲時個感覺又好正！So good.........

1st 伸手抱抱

前日返到屋企，照舊洗手去抱阿B，走到去BB度同佢講黎媽咪度，佢竟然第一次張開雙手想撲過黎！嘩！真係好開心、好感動呀！
同BB經歷佢好多第一次，每次既感受都各有不同，真係令我好享受！

1st mother's day with BB

今年係第一個做人mama嘅母親節，雖然無特別慶祝，但都過得好開心！
BB爸爸一朝早就叫BB錫錫媽咪，又同BB講要好錫媽咪！其實BB都唔知爸爸講乜，只係眼定定望住我地，傻下傻下咁！

哩日抱住BB無論係同佢玩、餵奶定係'愛'瞓覺，個心都覺得好感動！因為可以做人媽媽，對我黎講，確實係一件天賜既禮物！況且我仲係有一個咁得意又易湊既BB，我真係覺得好幸福！

BB， 無論日後你乖定曳，孝順定反叛...... 我都係咁愛你！

BB做左表姐

12月30日表弟出世! 阿B足左3個月就做左表姐, 而我就係姑姐!
星期日﹑一同二都去左馬鞍山幫手。
星期二最頻撲......
BB6.15醒左阿榮幫手餵飲奶, 我就之後"愛"佢瞓, 攪到7點幾先瞓番!
因為要陪表弟去健康院, 所以要9點未夠出門口, 見阿B瞓到好甜, 決定自己去, 唔帶佢出去。
阿榮車左我同阿嫂&表弟去馬鞍山健康院, 都幾偏僻!
攪左兩個鐘, 醫生話阿B面黃度數幾高, 要即刻轉介去威爾斯抽血, 嘩, 心諗乜咁嚴重?
於是即刻搭的士去威院, 攪完排版手續, 阿B就抱左去抽血......
好彩最後醫生話BB得210度, 唔駛入院照燈, 自己返去觀察住有冇再黃D, 有先再去健康院覆診!

醫生話飲奶有助去黃, 不過表弟唔算飲好多奶, 有時瞓過頭都係飲得唔多!
回想起我阿B初生時就已經準時飲奶, 成日都唔會喊, 但係飲奶遲少少就喊到拆天!!
表弟, 你要學下表姐, 飲多D奶奶, 快D去哂D黃, 唔好要爸爸媽媽擔心!